Haffumani
Haffumani Nunavunmi Min’nguiqhirviit
Nunavunmi Min’nguiqhirviit nunat tapkua pidjutiqaqtut Nunavunmi aalangajunik kinguani uvalu tadjamin idjuhiit uvalu pitquhiit.
Nunavunmi Min’nguiqhirviit nunallaani ikajuqtaujut munarijaublutik najugait uvvalu pidjutiqaqtut hunat akhuurnaqtut Nunavunmiunun uvvalu quviagijaujut najugait iqalukhiugiami uvvalu hiniktariamingnik, paunngaqtaqhutik, pihuujariami, uvvaluuniin unaguiqhirlutik uvvalu mamitpalliajaangini. Hapkuat najugarvigijavut quviagijavut ilaptinut aadlanut atuqtittumaplugit pulaaqtunut Nunavunmut.
Nunavunmi Min’nguiqhirviit ihuaqtut nakuunikkut inuuhiinun Nunavunmiunun. Aalangajut nunat pitquhirmigun uvalu ilitquhirmingnun tapkua quviahuutaujut uvalu pidjuiqaqtut ihuaqtumik inuuhirmik. Avatingit angijumik uvalu pitquhikkut pihimajut min’nguiqhirviit tunihijut inungnun nakuuniinun taijauhimajumik munaridjutiqaqtuq.
About The Organization
Nunavunmi Min’nguiqhirviit uvvalu Taijauhimajut Nunat Havakviit quviahuutigijait, akhuurutigiblugu uvvalu munariblugit pitquhivut uvvalu idjuhiit najugait pulaaqtunun uvvalu inungnun.
Nunavunmi Min’nguiqhirviit uvvalu Taijauhimajut Nunat Havagviata munarijaaqaqtut upalungaijainirmun, piliurnirmun, munarinirmun, auladjutikkut akhuuqhainirmunlu Mirnguiqsirviit, Nunavutim ukiuqtaqtumi min’nguiqhirviit taijauhimajullu nunait.
Nunavunmi min’nguiqhirviit uvvalu taijauhimajut nunat akhuurnaqtut upagakhat uvvalu pijumanikkut Nunavunmiunun uvvalu pulaaqtun. Tautuktitivakhimajut anginirmik idjuhiptingnik pitquhiliqinikkut ilitquhiptingnik nunalaani, avikturvingmi, kanatami, nunarjuaptingnilu tamaatlu; hakugikhijuumirlugit imaalu ikajurlugit nunamingni Inuit pitquhiit imaalu nunallaat akhuuqhainikkut imaalu pivallianikkut maniqami-pihimajut hulidjutit; imaalu aulapkarlugit pitquhikkut hulidjutit ukpigutaanun Inuit Qaujimajatuqangit (IQ).
Ataani Inuit Aktuumattaaqtunit Ikajuutikhanut Angirut (IIBA) unalu Nunavunmi Nunataarnikkut Angiqatigiigutimi (NA), avikturnianni Min’nguiqhirviit uvvalu Taijauhimajut Nunat upalungaijaqtaujut munarijauplutiklu atauttikkut, turrangajunik nipinik imaalu naunaijattiaqhimajut atuqtakhat naunaitkutikhat, Inuit Qaujimajatuqangit (IQ), nunamingni imaalu nalunaqtunik qaujimajakhainnik, imaalu tadja hanajauhimajunik nunamiklu naunaitkutikhanik.
TAUTUKTUUJAQTAQ
Avikturniptingni Min’nguiqhirviit uvvalu Taijauhimajut Nunat igluvut tamapta Nunavummiut. Attautit Min’nguiqhirviit aalangajut, havaktauhimajut tamangnin pitquhikkut imaalu nunap. Quviahuutigiblugit nipaluit imaalu aalatqiit aviktuqhimajut, imaalu tunihiblutik piqarluni, nauhimajunik imaalu hugadjanik, kihimi hapkununga Mirnguiqsirviit – inungnun quviahuutit. Atauttikkut munaridjutigijaqqut tamaqtaililugit kingulivut qaijunun. Min’nguiqhirviit uvvalu Taijauhimajut Nunat quviahuutigilugit tamaita Nunavunmiun inuunikkut pidjutiqaqtut Nunavunmi piniqtut avatingit imaalu pitquhikkut aalakiigutait. Ihuaqhijuumiqtut ilihaqtavut, ihuaqhijuumirutijut inuuhiptingnun, imaalu tunihiblutik ulapqinikkut quviahuutinik imaalu aalat ikajuutit. Akhuungnatqiaq, munariblugit ukpigijait tapkua pidjutiqaqtut uumatinun Inuit imaalu Nunavunmi pitquhiit; pittiarniq nunamun imaalu tamaqtailiniq, imaalu akhut qujagijaujuq haffumunga ihuangitumik ilaunikkut qitqani nunap imaalu pitquhiit.
Tautuktuujaaqtavut Nunavut kitut hapkua akiittut ikajuutit, inikhat atuqhimajavullu hapummijaujut ukunuuna qajagijumik, ihumagijuq munariniq, ukunuunalu hivuliqtiunirmut naunaiqtaa Nunavutim itquumajuq pitquhitigut hakuginngingit ilumuurutingillu.
HIVUNIKHANGIT
Ahiruqtiqtaililugit Nunavuutim Ittut unalu Ilihainiqmut Maniqqangit.
Ilauluni Kugluktup Nungulaittittailigiami unalu Ilitquhinganik Quviagilugu.
Ihuarhilugu pulaaqtut ilihimaninngit.
Nunavunmi Min’nguiqhirviit uvvalu Taijauhimajut Nunat piqaqtut pingahunik tikinahuarutinik taapkua pidjutiqaqtut kitunun pinahuarutinun kituni havagviup (Pinahuarutit Pivallianirmun. Min'nguiqhirviup Auladjutait uvvalu Upalungaijautit; Pitquhiliqinikkut Quviahuutikharnik). Nunavunmi Min’nguiqhirviit pingahut tikinahualuaqtait hamma:
Ahiruqtiqtaililugit Nunavuutim Ittut unalu Ilihainiqmut Maniqqangit. Nunavunmi Aviktuqhimajut Min’nguiqhirviit uvvalu Taijauhimajut Nunat auladjutait naunaijaijut, munariblugit uvvalu akhuurutigilugu Nunavunmi idjuhiit uvvalu pitquhikkut ilitquhiit; aallatqiit nauttiangit nakuuninginniglu; uvvalu anginiqhait, aallangajut uvvalu ihumagijaujut idjuhiit uvvalu pitquhikkut nunat uvvalu ikajuutit.
Ilauluni Kugluktup Nungulaittittailigiami unalu Ilitquhinganik Quviagilugu. Nunavunmi Aviktuqhimajut Min’nguiqhirviit uvvalu Taijauhimajut Nunat ilaupkaqhugit inuit uvvalu pulaaqtut, uvvalu tiguaqhimalugu quviahuutit, kangiqhimaniq, ilihimaniq, uvvalu quviahuutit Nunavunmi aallangajut uvvalu aallangajut idjuhiit uvvalu pitquhikkut ilitquhiit.
Ihuarhilugu pulaaqtut ilihimaninngit. Nunavunmi Aviktuqhimajut Min’nguiqhirviit uvvalu Taijauhimajut Nunat akhuurutigijaat pijakhat ihuaqtunun, qajangnaittumik uvvalu pijaarnikkut hulilukaarutit uvvalu amigairjuummilugit inuit quviahuutit ihuaqtumik munaridjutinun idjuhiit uvvalu pitquhikkut ukpirijait; anginiqaqtun upagvikhat pijumaplutiklu Nunavunmiunun pulaaqtunullu tuniplutiglu talvunga talvungaqpiarlugu pijangaijarnikkut ikajuutimik nunallaanun.
ILUMUURUTIGIYANGIT
Nunavut Joint, Planning and Management Committee
Qavavauq Issuqangituq
Luke Suluk
Darrell Ohokannoak
Pacome Lloyd
Simon Qingngatuk
Linda Vaillancourt
David Monteith
Vacancy
Linda Vaillancourt
Avatittinnik Kamatsiarniq: arligiplugu munariplugulu nuna, anngutighat, avatillu.
Aajiiqatigiinniq: Ihumaliuqtuq uqaqatigiikhutik angiqatigiikhutiklu
Qanuqtuurniq: Nutaanguqhimaluni unalu ikayuutauyuq
Inuuqatigiitsiarniq: Pimmariktumik pilugit aatlat, piqatigiiktarnik munarilugillu inuit.
Piliriqatigiinniq/Ikajuqtigiinniq: Havaqatigiiktut nakuuyumut pidjutigiami.
Pijitsirniq: Ikayuqtuq pipkaiyuqlu ilagiiktunut unalu/unaluuniit nunamiknut. 119
Tunnganarniq: Pipkailiqluni nakuuyumik inuuhiq angmaumaluni, tunngahuktittuni hivituyumik.
Upalungaijautit uvvalu munaridjutikhait Nunavunmi min’nguiqhirviit uvvalu taijauhimajut nunat maliglugit hivunikhaliurutit titiraqhimajut uvani Kavamatkut Nunavunmi Sivumut Abluqta pidjutigilugit Inuit Qaujimajatuqangit (IQ) upalungaijautini, munaridjutikkut uvvalu auladjutait aviktuqhimajut min’nguiqhirviit, kitut naittumik titiraqhimajut hamma.
Avatittinnik Kamatsiarniq: arligiplugu munariplugulu nuna, anngutighat, avatillu.
Itquumaninnga min’nguiqhirviup pitquhikkut nunat munagijaujut upalungaijautikkut imaalu munagidjutikkut ihumaliurutit pihimajut ihuaqtumik pitquhikkut nunatigut munagidjutikkut atuqtaujut. Una ilaujuq ilitaridjutit tapkua Inuit imaalu avatingit ilikuuqtut.
Aajiiqatigiinniq: Ihumaliuqtuq uqaqatigiikhutik angiqatigiikhutiklu
Nunavunmi Aviktuqhimajut Min’nguiqhirviit uvvalu Taijauhimajut Nunat upalungaijaqtaujut uvvalu munarijaujut ilauqatigiingnikkut, ikajuqtaublutik inungnun uvvalu nunallaanun, uvvalu tamaat ilitaridjutit Inuit pilaarutainun naunaijaqhimajut uvani Nunavut Angirutaa NLCA uvvalu Inuit Aktuumattaaqtunit Ikajuutikhanut Angirut IIBA.
Qanuqtuurniq: nutaanguqhimaluni unalu ikayuutauyuq
Tamna ilitaridjutikhaq, upalungaijautikhanik, auladjutikharnik munagidjutikharniklu nunaptingni tamaat nunami najugaingit najugaingitlu naunairutiqaqtuq angmaumajukharnik, ihuaqtumik, akhurnaqtunik, havaqatigiikharnik ilihimajainiklu atuqtakharnik.
Inuuqatigiitsiarniq: pimmariktumik pilugit aatlat, piqatigiiktarnik munarilugillu inuit.
Maligaq, upalungaijainiq, munagidjutikkut imaalu auladjutinun ilaupkaqhugit Inuit timiqutigijaujut, nunallaat, Inuit imaalu aalat tigumidjutiqaqtut, pijaangini ihuaqtumik ihumaliurnirmik, angijumik inungnun kangiqhimanirmik, imaalu pipkaiblutik tamainun tunihilutik ilihimanirmik, ajuittiarnirmik imaalu ihumaliurutinik.
Piliriqatigiinniq/Ikajuqtigiinniq: havaqatigiiktut nakuuyumut pidjutigiami.
Havaqatigiikhimaaqtun pijaangat naunaitunik hivunikhangit auladjutikharnik, ilihairutikharnik, aquinikkut inuuhirinikkutlu, taima ihuaqtumik qullirutikharnik munagidjutikharnik pivalliadjutikharnik hivunikhangit. Hivuliqtikharnik havaktauvakhimajuq imaatun ituq, tautuktitijaangat avatiliqinikkut ihuaqtumik, munagidjutikharnik pittiarutikharnik atuqtakharniklu, ikajuutikharniklu auladjutikharniklu allanun.
Pijitsirniq: ikayuqtuq pipkaiyuqlu ilagiiktunut unalu/unaluuniit nunamiknut.
Min’nguiqhirviit uvvalu Taijauhimajut Nunat Nunavunmi maniliurutait haffumuunga aqunikkut imaalu ilaujut maniliurnikkut pivallianiq pidjutiqangitumik munaridjutinik pitquhiptingnun imaalu idjuhianun ilitquhiptingnun.
Tunnganarniq: pipkailiqluni nakuuyumik inuuhiq angmaumaluni, tunngahuktittuni hivituyumik.
Ihumaliurnikkut-ihumaliurutit angmaumajut, havaktaujut itquumanikkut, imaalu kangiqhidjutiqaqtut ihuaqtumik, qilamik, imaalu ihuaqtunik kangiqhidjutinik tunijaujut tamainun.
Nunavunmi Min’nguiqhirviit kiunautiqaqtut pijaangini atulingnikkut Maligat, NLCA imaalu IIBA pijakhat, imaalu aalat ilaujut upalungaijautit imaalu maliguagahat pidjutiqaqtut hapkua hivunikhaliugutit.
Inuit Associations and Organizations
Parks and Protected Areas Organizations
Canadian Parks Council
Canada’s national, provincial and territorial park agencies work together, through the Canadian Parks Council, to ensure that Canadians can continue to be proud of the role parks and protected areas play in preserving our country’s natural capital.
Canadian Heritage Rivers System
The Canadian Heritage Rivers System (CHRS) is Canada’s national river conservation program, giving national recognition to Canada’s outstanding rivers and encouraging their long-term management to conserve their natural, cultural and recreational values for the benefit and enjoyment of Canadians, now and in the future.
Trans Canada Trail
The Trans Canada Trail will promote and assist in the development and use of the cross country Trail – The Great Trail – by supporting success at the local level in the creation of this national network.
Tread Lightly!
Tread Lightly! and its partners lead a national initiative to protect and enhance recreation access and opportunities by promoting outdoor ethics to heighten individuals’ sense of good stewardship.