ᒥᒃᓵᓄᑦ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᒥᒃᓵᓄᑦ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᒋᔭᐅᕗᑦ ᑕᑯᒃᓴᐅᑎᑦᑎᓪᓗᑎᒃ ᓄᓇᕗᒻᒥ ᐊᔾᔨᐅᙱᑦᑐᒥᒃ ᐱᐅᓯᕆᕙᓚᐅᖅᑕᖏᑦ ᐊᒻᒪ ᒫᓐᓇ ᐊᑐᖅᑕᐅᔪᑦ ᐊᒻᒪ ᐃᓕᖅᑯᓯᕆᔭᐅᔪᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᓕᖕᓂ ᐃᑲᔪᖅᓱᖅᑕᐅᕗᑦ ᓴᐳᔾᔭᐅᓯᒪᔪᑦ ᑕᑯᒃᓴᐅᑎᑦᑎᓪᓗᑎᒡᓗ ᐱᒻᒪᕆᐅᒋᔭᐅᔪᓂᒃ ᓄᓇᕗᒥᐅᓄᑦ ᐃᖃᓪᓕᐊᕐᕕᐅᔪᒪᑦᑎᐊᖅᖢᑎᒡᓗ ᐊᐅᓪᓛᕐᕕᐅᓪᓗᑎᒡᓗ, ᓄᓂᕙᒋᐊᕐᕕᐅᓪᓗᑎᒃ, ᐱᓱᒡᕕᒃᑯᑦ, ᐅᕝᕙᓘᓐᓃᑦ ᓴᐃᓕᓐᓇᖅᖢᑎᒃ ᒪᒥᓴᕆᐊᖅᐸᒃᖢᑎᒃᓗ. ᑕᒪᒃᑯᐊ ᓄᓇᐃᑦ ᖃᑕᙳᑎᒌᖑᓪᓗᑕ ᖁᕕᐊᓱᒡᕕᒋᕙᒃᑕᕗᑦ ᐊᒻᒪᓗ ᓂᐅᕐᕈᖅᑲᔪᓄᑦᑕᐅᖅ ᖁᕕᐊᒋᔭᐅᖃᑦᑕᖁᒋᕙᕗᑦ ᓄᓇᕗᒻᒧᐊᖅᑐᓄᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᒻᒪᕆᐅᖕᒪᑕ ᐃᓅᓯᑦᑎᐊᕙᖕᒧᑦ ᓄᓇᕗᒥᐅᓄᑦ. ᐊᔾᔨᐅᖏᑦᑐᑦ ᓄᓇᐃᑦ ᐃᓕᖅᑯᓯᑐᖃᖏᓐᓂᑦ ᐊᒻᒪ ᓄᓇᒥᙶᖅᑐᓂᑦ ᐃᑦᑕᕐᓂᓴᓂᑦ ᑲᔪᖏᖅᓴᐃᔪᑦ ᐊᒻᒪ ᑲᔪᓯᑎᑦᑎᔪᑦ ᑕᕐᓂᕐᒥᑦ. ᐊᕙᑎᒧᑦ ᐅᔾᔨᕐᓇᕐᓂᖓ ᐃᓕᖅᑯᓯᑐᖃᕐᓄᓪᓗ ᐊᓐᓂᕐᓇᕐᓂᖓ ᒥᕐᙳᐃᖅᓯᕐᕕᖕᓄᑦ ᐱᐅᓂᖏᓐᓄᑦ ᐃᓄᐃᑦ ᑲᒪᒋᔭᐅᕙᖕᓂᖏᓐᓄᑦ.
About The Organization
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ ᐱᓕᕆᕝᕕᖓ ᖁᕕᐊᓲᑎᖃᓲᖑᕗᑦ, ᐅᔾᔨᕆᔭᐅᓕᖅᑎᑦᑎᓲᖑᕗᑦ ᓴᐳᔾᔨᓲᖑᕗᓪᓗ ᐃᓕᖅᑯᓯᑦᑎᓐᓂ ᐊᒻᒪ ᓄᓇᒥᙶᖅᑐᓂᒃ ᐳᓛᖅᑎᓄᑦ ᐊᒻᒪ ᓄᓇᖅᑲᑎᒌᓄᑦ.
ᒥᕐᖑᐃᖅᓯᕕᓕᕆᔩᑦ ᐊᒻᒪ ᐱᓐᓇᕆᔭᐅᔪᓄᓪᓗ ᓄᓇᓕᕆᔩᑦ ᑲᒪᒋᔭᖃᖅᑐᑦ ᐸᕐᓇᐃᓂᕐᒥᒃ, ᓴᖅᑭᑦᑎᕆᓂᕐᒥᒃ, ᐊᐅᓚᑦᑎᓂᕐᒥᒃ, ᐊᐅᓚᓂᕆᔭᖏᓐᓂᒃ ᐊᒻᒪ ᐱᕚᓪᓕᕈᑎᒃᓴᖏᓐᓂᒃ ᒥᕐᖑᐃᖅᓯᕕᖕᓂᒃ −ᓄᓇᕗᒻᒥ ᒥᕐᖑᐃᖅᓯᕐᕕᖏᑦ ᐱᓐᓇᕆᔭᐅᔪᓪᓗ ᓄᓇᓂ.
ᓄᓇᕗᒻᒥ ᒥᕐᖑᐃᖅᓯᕕᓕᕆᔩᑦ ᓄᓇᐃᓪᓗ ᓴᐳᔾᔭᐅᓯᒪᔪᑦ ᐱᒻᒪᕆᐅᓪᓗᑎᒃ ᑐᖅᑲᖅᑕᕐᕕᐅᕗᑦ ᑲᔾᔮᕐᓇᑦᑎᐊᖅᖢᑎᒡᓗ ᓄᓇᕗᒻᒥᐅᓄᑦ ᐳᓛᕆᐊᖅᓯᒪᔪᓄᓪᓗ. ᑕᑯᒃᓴᐅᑎᑦᑎᓂᖏᓐᓄᑦ ᓄᓇᒥᐅᑕᓂᒃ ᐱᐅᑦᑎᐊᖅᑐᓂᒃ ᐊᒻᒪ ᐃᑦᑕᕐᓂᓴᖃᕐᕕᖕᓂᒃ ᑕᑯᒃᓴᐅᔪᖃᖅᖢᑎᒃ ᓄᓇᓕᖕᓄᑦ, ᐊᕕᒃᑐᖅᓯᒪᔪᓂᒃ, ᑲᓇᑕᒥ ᐊᒻᒪ ᓄᓇᕐᔪᐊᕐᒥ; ᓴᙱᒃᑎᒋᐊᕈᑕᐅᓪᓗᑎᒃ ᐃᑲᔪᖅᓱᐃᔾᔪᑕᐅᓪᓗᑎᒡᓗ ᓄᓇᖅᑲᑎᒌᓄᑦ ᐃᓄᐃᑦ ᐱᐅᓯᖏᓐᓄᑦ ᓄᓇᓕᖕᓄᓪᓗ ᐅᔾᔨᕆᔭᐅᕙᒃᖢᑎᒃ ᐱᕙᓪᓕᐊᑎᑕᐅᕙᒃᖢᑎᒡᓗ ᓄᓇᒥᒃ ᐱᓕᕆᔾᔪᓯᕐᓂᒃ; ᐃᖏᕐᕋᐃᓐᓇᕈᑕᐅᔪᓐᓇᖅᖢᑎᒡᓗ ᐱᓕᕆᐊᖑᔪᒪᔪᓂᒃ ᐃᓄᐃᑦ ᖃᐅᔨᒪᔭᑐᖃᖏᑎᒍᑦ.
ᐱᓕᕆᐊᒃᓴᕆᔭᐅᔪᓕᒫᑦ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎᒃᑯᑦ ᐊᕕᒃᑐᖅᓯᒪᔪᓂᒃ ᒥᕐᖑᐃᖅᓯᕕᖕᓂ ᐊᒻᒪ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥ, ᐸᕐᓇᒃᑕᐅᕙᓪᓕᐊᕗᑦ ᑲᑐᔾᔨᖃᑎᒌᒍᑕᐅᓪᓗᑎᒡᓗ ᐊᐅᓚᑕᐅᓪᓗᑎᒃ ᐱᒋᐊᖅᑕᐅᕙᒃᖢᑎᒡᓗ ᑐᓴᖅᑕᐅᔪᓐᓇᖅᑐᒃᑯᑦ ᐊᑕᖏᐅᒪᔪᓐᓇᖅᑐᒃᑯᓪᓗ ᑐᑭᓯᒋᐊᕈᑎᒃᑯᑦ, ᐃᓄᐃᑦ ᐱᒻᒪᕆᐅᒋᔭᖏᑦᑎᒍᑦ, ᓄᓇᓕᖕᓂ ᐊᒻᒪ ᖃᐅᔨᓴᖅᑎᓂᒃ ᖃᐅᔨᒪᔭᐅᔪᒃᑯᑦ, ᒫᓐᓇᓕᓴᕐᓄᓪᓗ ᐱᓕᕆᔾᔪᑕᐅᕙᒃᑐᑦ ᐊᒻᒪ ᓄᓇᙳᐊᓕᕆᔾᔪᑎᓄᑦ ᑐᑭᓯᒋᐊᕈᑎᑦ.
ᑐᕌᖅᑕᐅᓇᓱᒃᑐᖅ
ᓄᓇᕗᒻᒥ ᒥᕐᖑᐃᕐᓯᕐᕕᕗᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐅᕙᑦᑎᓐᓂᓕᒫᖅ ᓄᓇᕗᒻᒥᐅᖑᓪᓗᑕ. ᐊᑐᓂ ᒥᕐᖑᐃᖅᓯᕖᑦ ᐊᔾᔨᐅᖏᑦᑐᑦ, ᓴᓇᔭᐅᓯᒪᔪᑦ ᑕᒪᒃᑮᓄᑦ ᐃᓕᖅᑯᓯᕐᓄᑦ ᐊᒻᒪ ᓄᓇᖓᓄᑦ. ᖁᕕᐊᓲᑎᖃᖃᑦᑕᖅᐳᑦ ᑲᔾᔮᕐᓇᕐᓂᖓᓂᒃ ᐊᒻᒪ ᐊᔾᔨᒌᙱᓐᓂᖓᓂᒃ ᓄᓇᑦᑎᓐᓂ, ᐊᒻᒪ ᐱᑕᖃᖅᑎᑦᑎᓪᓗᑎᒃ, ᐱᕈᖅᑐᓄᑐᐊᖑᙱᑦᑐᖅ ᓂᕐᔪᑎᓄᓪᓗ, ᑭᓯᐊᓂᑦᑕᐅᖅ ᒥᕐᖑᖅᓰᒃᑯᓐᓄᑦ − ᐃᓄᐃᑦ ᑕᕐᓂᖏᓐᓄᑦ. ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ ᔭᒐᑎᑦᑕᐃᓕᒪᓗᒋᑦ ᑭᖑᕚᒃᓴᑦᑎᓐᓄᑦ ᐊᒡᒋᖅᑐᓄᑦ. ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᓄᓇᕗᒻᒥᐅᓕᒫᓂᒃ ᑲᔪᖏᖅᓴᐃᕗᑦ ᓄᓇᕗᒻᒥ ᐊᕙᑎᕗᑦ ᐃᓕᖅᑯᓯᖏᓪᓗ ᐊᔾᔨᒌᙱᕈᓘᔭᖅᑐᑦ. ᐱᐅᓯᒋᐊᖅᑎᑦᑎᕙᒃᐳᑦ ᐃᓕᓐᓂᐊᕐᓂᑦᑎᓐᓂᒃ, ᐱᐅᓯᒋᐊᖅᑎᑦᑎᕙᒃᐳᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᐱᑎᑦᑎᕙᒃᖢᑎᒡᓗ ᑭᐱᙳᐃᔭᕐᓂᕐᒧᑦ ᖁᕕᐊᓱᖕᓂᕆᔭᑦᑎᓐᓂᒃ ᐊᓯᖏᓐᓂᒡᓗ ᐱᕚᓪᓕᕈᑕᐅᕙᒃᑐᓂᒃ. ᐱᒻᒪᕆᐅᓛᖑᔪᖅ, ᑲᔪᓯᑎᑦᑎᑦᑎᐊᕐᓗᑎᒃ ᐱᒻᒪᕆᐅᒋᔭᐅᔪᓂᒃ ᐃᓄᐃᑦ ᐊᒻᒪ ᓄᓇᕗᒻᒥ ᐃᓕᖅᑯᓯᖓᓐᓂ; ᓄᓇ ᐃᒃᐱᒋᑦᑎᐊᕐᓗᒍ ᐊᒻᒪ ᐱᐅᖅᓱᐊᕐᓂᖅ, ᐊᒻᒪ ᐅᐱᒋᔭᐅᕐᔪᐊᖅᐳᖅ ᓄᓇᐅᑉ ᑕᐅᑦᑐᐊ ᐊᒻᒪ ᐃᓕᖅᑯᓯᖓ ᑲᑎᙵᑦᑎᐊᕐᓂᖓᓄᑦ.
ᑕᐅᑐᖅᑰᖅᑕᕗᑦ ᓄᓇᕗᒻᒥ ᑖᒃᑯᐊ ᐊᑭᑭᑦᑐᑦ ᐊᑐᒐᒃᓴᑦ, ᐃᓂᒃᓴᐃᑦ ᐊᑐᖅᑕᓪᓗ ᓴᐳᑎᔭᐅᓯᒪᓗᑎᒃ ᐅᔾᔨᖅᓱᑦᑎᐊᕐᓂᒃᑯᑦ, ᐃᓱᒪᒃᓴᖅᓯᐅᑦᑎᐊᕐᓂᒃᑯᑦ ᐊᐅᓚᑦᑎᓂᒃᑯᑦ, ᓯᕗᓕᖅᓯᓂᒃᑯᑦ ᐊᔾᔨᖃᖅᑐᓂᒃ ᓄᓇᕘᑉ ᐃᓕᖅᑯᓯᓪᓚᑦᑖᖓᑕ ᓴᙱᓂᖏᓐᓂ ᐱᒻᒪᕆᐅᒋᔭᖏᓐᓂᒃᓗ.
ᑐᕌᒐᐃᑦ
ᓴᐳᑎᓗᒋᑦ ᓄᓇᕗᒻᒥ ᓄᓇᒥᙶᖅᑐᑦ ᐃᓕᖅᑯᓯᕐᒨᖓᔪᓪᓗ ᓄᓇᐅᑉ ᑕᐅᑦᑐᖏᑦ
ᓄᓇᓖᑦ ᐃᓚᐅᑎᑉᐸᒡᓗᒋᑦ ᓴᐳᒻᒥᔭᐅᔪᓄᑦ ᐊᒻᒪ ᐃᑦᑕᕐᓂᓴᓂᒃ ᐅᐱᒋᔭᐅᔪᓂᒃ.
ᐱᐅᓯᒋᐊᖅᑎᓪᓗᒍ ᐳᓛᕆᐊᖅᐸᒃᑐᑦ ᖃᐅᔨᖃᑦᑕᖅᓯᒪᔭᖏᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ ᐱᖓᓱᓂᒃ ᑐᕌᒐᖃᖅᐳᑦ ᐊᒃᑐᐊᓂᖃᖅᖢᑎᒃ ᓇᓗᓇᐃᖅᑕᐅᓯᒪᔪᓄᑦ ᐱᓕᕆᐊᒃᓴᓄᑦ ᐱᓕᕆᕝᕕᖕᒥ (ᐱᓕᕆᐊᒃᓴᓂᒃ ᐱᕙᓪᓕᐊᑎᑦᑎᓂᕐᒥᒃ. ᒥᕐᖑᐃᖅᓯᕐᕕᒻᒥᑦ ᐊᐅᓚᑦᓯᓂᕐᒧᑦ ᐱᕙᒌᔭᕐᓂᕐᒧᓪᓗ; ᐊᒻᒪ ᐃᑦᑕᕐᓂᓴᕐᓂᒃ ᐅᐱᒍᓱᖕᓂᖅ). ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᖓᓱᑦ ᑐᕌᒐᕆᔭᖏᑦ ᐅᑯᐊᖑᕗᑦ:
ᓴᐳᑎᓗᒋᑦ ᓄᓇᕗᒻᒥ ᓄᓇᒥᙶᖅᑐᑦ ᐃᓕᖅᑯᓯᕐᒨᖓᔪᓪᓗ ᓄᓇᐅᑉ ᑕᐅᑦᑐᖏᑦ ᓄᓇᕗᒻᒥ ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐱᓕᕆᔾᔪᓯᖏᑦ ᓇᓗᓇᐃᖅᓯᕗᑦ, ᓴᐳᔾᔨᓪᓗᑎᒃ ᐊᒻᒪ ᓴᖅᑭᔮᖅᑎᑦᑎᓪᓗᑎᒃ ᓄᓇᕗᒻᒥ ᓄᓇᒥᙶᖅᑐᓂᒃ ᐊᒻᒪ ᐃᓕᖅᑯᓯᕐᒨᖓᔪᓂᒃ; ᐊᔾᔨᒌᙱᑦᑐᑦ ᐆᒪᔪᑦ ᐊᔾᔨᒌᙱᕈᓘᔭᖅᑐᑦ ᓱᓕᑦᑎᐊᕐᓂᖏᓪᓗ; ᐅᔾᔨᕐᓇᕐᓂᖓᓗ, ᐊᔾᔨᐅᙱᖦᖢᓂ ᐊᒻᒪ ᐱᒻᒪᕆᐅᓪᓗᓂ ᓄᓇᒥᙶᖅᑐᖅ ᐊᒻᒪ ᓄᓇᐅᑉ ᑕᐅᑦᑐᐊ ᐊᒻᒪ ᐱᔾᔪᑎᒃᓴᑦ.
ᓄᓇᓖᑦ ᐃᓚᐅᑎᑉᐸᒡᓗᒋᑦ ᓴᐳᒻᒥᔭᐅᔪᓄᑦ ᐊᒻᒪ ᐃᑦᑕᕐᓂᓴᓂᒃ ᐅᐱᒋᔭᐅᔪᓂᒃ. ᓄᓇᕗᒻᒥ ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐃᓚᐅᑎᑦᑎᔪᓐᓇᕐᒪᑕ ᓄᓇᖅᑲᑎᒌᓂᒃ ᐳᓛᖅᑎᓂᒡᓗ, ᐊᑐᓕᖅᑎᓪᓗᒍᓗ ᐱᒻᒪᕆᐅᒋᔭᐅᔪᖅ, ᑐᑭᓯᐅᒪᓂᕆᔭᐅᔪᖅ, ᖃᐅᔨᒪᓂᕆᔭᐅᔪᖅ, ᐊᒻᒪ ᐅᐱᒋᔭᐅᓂᖓ ᐊᔾᔨᒌᙱᑦᑐᑦ ᐊᔾᔨᐅᙱᑦᑐᓪᓗ ᓄᓇᒥᙶᖅᑐᑦ ᐃᑦᑕᕐᓂᓴᕐᓂᒃ.
ᐱᐅᓯᒋᐊᖅᑎᓪᓗᒍ ᐳᓛᕆᐊᖅᐸᒃᑐᑦ ᖃᐅᔨᖃᑦᑕᖅᓯᒪᔭᖏᑦ. ᓄᓇᕗᒻᒥ ᐊᕕᒃᑐᖅᓯᒪᔪᓂᒃ ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐱᕕᒃᓴᖅᑖᑦᑎᐊᕐᓇᕐᒪᑕ ᓈᒻᒪᒃᑐᓂᒃ, ᐊᑦᑕᕐᓇᙱᑦᑐᓂᒃ ᐱᔭᒃᓴᐅᔪᓂᒡᓗ ᓄᑖᙳᕆᐊᖅᓯᒪᔪᓂᒃ ᐅᓄᖅᓯᕚᓪᓕᖅᓯᒪᔪᓂᒡᓗ ᐃᓄᖕᓄᑦ ᖁᕕᐊᒋᔭᐅᔪᓐᓇᖅᑐᓂᒃ ᒪᓕᒃᑐᓂᒃ ᓴᐳᔾᔭᐅᔾᔪᑎᓄᑦ ᓄᓇᒥᙶᖅᑐᓂᒃ ᐃᓕᖅᑯᓯᕆᔭᐅᕙᒃᑐᒧᓪᓗ ᐱᒻᒪᕆᐅᒋᔭᐅᔪᓂᒃ; ᐱᒻᒪᕆᐅᓪᓗᑎᒡᓗ ᑐᖅᑲᖅᑕᕐᕖᑦ ᑲᔾᔮᕐᓇᖅᖢᑎᒡᓗ ᓄᓇᕗᒻᒥᐅᓄᑦ ᐳᓛᖅᑎᓄᓪᓗ ᐱᓕᕆᐊᖑᓯᑲᐅᑎᒋᔪᓐᓇᖅᑐᓂᒡᓗ ᐸᕐᓇᒃᑕᐅᓯᒪᙱᑦᑐᓂᒡᓗ ᒪᑭᒪᔾᔪᑎᓄᑦ ᐃᑲᔫᑕᐅᔪᓐᓇᖅᑐᓂᒃ ᓄᓇᓕᖕᓄᑦ.
ᑐᙵᕕᖏᑦ
Nunavut Joint, Planning and Management Committee
Qavavauq Issuqangituq
Luke Suluk
Darrell Ohokannoak
Pacome Lloyd
Simon Qingngatuk
Linda Vaillancourt
David Monteith
Vacancy
Linda Vaillancourt
ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ: ᐅᐱᒍᓯᓐᓂᖅ ᑲᒪᑦᑎᐊᕐᓂᕐᓗ ᓄᓇᒥᒃ, ᐆᒪᔪᕐᓂᒃ, ᐊᕙᑎᑦᑎᓐᓂᒡᓗ.
ᐋᔩᖃᑎᒌᓐᓂᖅ: ᐋᖅᑭᑦᓯᓇᓱᓐᓂᖅ ᐅᖃᖃᑎᒌᓐᓂᒃᑯᑦ ᐊᖏᖃᑎᒌᓐᓂᒃᑯᓪᓗ
ᖃᓄᖅᑑᕐᓂᖅ: ᐃᓱᒪᒃᓴᖅᓯᐅᕐᓂᖅ ᓴᓇᑐᓗᓂ ᐋᖅᑭᒋᐊᓕᖕᒥᒃ ᐋᖅᑭᒃᓯᓇᓱᒡᓗᓂ
ᐃᓅᖃᑎᒌᑦᓯᐊᕐᓂᖅ: ᐱᒻᒪᕆᐅᑎᑦᑎᓗᓂ ᐊᓯᒥᓂᒃ, ᐃᓅᖃᑎᒌᓄᑦ ᐊᒻᒪ ᐃᒃᐱᒍᓱᑦᑎᐊᕐᓂᖅ ᐃᓄᖕᓂᑦ.
ᐱᓕᕆᖃᑎᒌᓐᓂᖅ/ᐃᑲᔪᖅᑎᒌᓐᓂᖅ: ᐱᓕᕆᖃᑎᒌᖕᓂᖅ ᑖᔅᓱᒧᖓᑦᓴᐃᓐᓇᖅ ᐱᔾᔪᑎᖃᖅᓱᑎᒃ.
ᐱᔨᑦᓯᕐᓂᖅ: ᐱᔨᑦᑎᕐᓂᖅ ᐊᑐᐃᓐᓇᐅᑎᑦᑎᓗᓂ ᐃᓚᒌᓄᑦ ᐊᒻᒪ/ᐅᕝᕙᓘᓐᓃᑦ ᓄᓇᖅᑲᑎᒌᓄᑦ. 119
ᑐᙵᓇᕐᓂᖅ: ᖁᕕᐊᓱᑦᑎᑦᓯᕙᓪᓗᓂ ᒪᑐᐃᖓᓂᒃᑯᑦ, ᑐᙵᓇᕐᓂᒃᑯᑦ ᐊᒻᒪ ᐃᓚᓕᐅᔾᔨᓯᒪᓂᒃᑯᑦ.
ᐸᕐᓇᐃᓂᖅ ᐊᐅᓚᑦᑎᓂᕐᓗ ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ ᒪᓕᓲᑦ ᐃᓗᓕᖏᓐᓂᑦ ᐋᖅᑭᒃᑕᐅᓯᒪᔪᓂᑦ ᓄᓇᕗᒻᒥ ᒐᕙᒪᒃᑯᑦ ᓯᕗᒧᑦ ᐊᑉᓗᖅᑕᒥ ᐊᔾᔨᖃᖁᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ (IQ) ᐱᕙᒌᔭᐃᓂᕐᓂ, ᐊᐅᓚᑦᑎᓂᕐᓂ ᐊᐅᓚᓂᖏᓐᓂᒃᓗ ᓄᓇᕗᒻᒥ ᒥᕐᖑᐃᖅᓯᕐᕖᑦ, ᓇᐃᓈᖅᓯᒪᓪᓗᑎᒃ ᐊᑖᓃᑦᑐᑦ.
ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ: ᐅᐱᒍᓯᓐᓂᖅ ᑲᒪᑦᑎᐊᕐᓂᕐᓗ ᓄᓇᒥᒃ, ᐆᒪᔪᕐᓂᒃ, ᐊᕙᑎᑦᑎᓐᓂᒡᓗ.
ᓱᓕᓂᖓ ᒥᕐᖑᐃᖅᓯᕐᕖᑦ ᐃᓕᖅᑯᓯᒃᑯᑦ ᓄᓇᖓ ᑲᒪᒋᔭᐅᖏᓐᓇᓲᖅ ᐸᕐᓇᐃᓂᒃᑯᑦ ᐊᐅᓚᑦᑎᓂᒃᑯᓪᓗ ᐃᓱᒪᓕᐅᕐᓂᒃᑯᑦ ᑐᙵᕕᖃᕐᖢᑎᒃ ᐃᓕᖅᑯᓯᒃᑯᑦ ᓄᓇᒥ ᐊᐅᓚᑦᑎᓂᕐᓂ ᐊᑐᕋᓲᑎᓂᒃ. ᑕᒪᓐᓇ ᐃᓚᖃᖅᐳᖅ ᐃᓕᓴᖅᓯᓂᕐᒥᒃ ᐃᓄᐃᑦ ᐊᕙᑎᓗ ᐊᕕᒃᓯᒪᔪᓐᓇᕐᓂᖏᓐᓂᒃ.
ᐋᔩᖃᑎᒌᓐᓂᖅ: ᐋᖅᑭᑦᓯᓇᓱᓐᓂᖅ ᐅᖃᖃᑎᒌᓐᓂᒃᑯᑦ ᐊᖏᖃᑎᒌᓐᓂᒃᑯᓪᓗ
ᓄᓇᕗᒻᒥ ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐸᕐᓇᒃᑕᐅᕗᑦ ᐊᐅᓚᑕᐅᓪᓗᑎᒡᓗ ᑲᑐᔾᔨᖃᑎᒌᒍᑕᐅᓪᓗᑎᒃ, ᐃᑲᔪᖅᓱᖅᑕᐅᓪᓗᑎᒃ ᓄᓇᖅᑲᑎᒌᓄᑦ ᐊᒻᒪ ᓄᓇᖅᑲᑎᒌᓄᑦ, ᐃᓕᑕᕆᔭᐅᑦᑎᐊᖅᐸᒃᖢᑎᒡᓗ ᐃᓄᐃᑦ ᐱᔪᓐᓇᐅᑎᖏᑦ ᓇᓗᓇᐃᖅᑕᐅᓯᒪᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒥ ᐊᒻᒪ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎᒥ.
ᖃᓄᖅᑑᕐᓂᖅ: ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᖅ ᐊᑐᖅᓯᔪᓐᓇᑦᑎᐊᕐᓂᕐᓗ ᓇᓗᓇᐃᖅᓯᓂᖅ
ᐸᕐᓇᐃᓂᖅ, ᐊᑐᓕᖅᑎᑦᑎᓂᖅ ᐊᐅᓚᑦᑎᓂᕐᓗ ᓄᓇᕗᒻᒥ ᐅᔾᔨᕐᓇᒻᒪᕆᒃᑐᒥᒃ ᓄᓇᒥᙶᖅᑐᓂᒃ ᐊᒻᒪ ᐃᓂᓂᒃ ᑕᑯᒃᓴᐅᑎᑦᑎᔪᑦ ᒪᑐᐃᖓᓂᕐᒥᒃ, ᐋᖅᑭᐅᒪᔪᒥᒃ, ᐊᒃᓱᕈᕐᓂᕐᒥᒃ, ᐱᓕᕆᖃᑎᒌᖕᓂᕐᒥᒃ ᐊᒻᒪ ᖃᐅᔨᒪᓂᕐᒥᒃ−ᑐᙵᕕᓕᖕᒥᒃ ᐊᑐᖅᑕᐅᕙᒃᑐᓂᒃ.
ᐃᓅᖃᑎᒌᑦᓯᐊᕐᓂᖅ: ᐃᒃᐱᒍᓱᑦᑎᐊᕐᓂᖅ ᐃᓅᖃᑎᒥᓂᒃ, ᐱᓕᕆᖃᑎᒌᖕᓂᒃᑯᑦ ᐊᒻᒪ ᑲᒪᒋᔭᖃᑦᑎᐊᓂᒃᑯᑦ ᐊᑐᐊᒐᓕᕆᓂᖅ .
ᐸᕐᓇᐃᓂᖅ, ᐊᐅᓚᑦᑎᓂᖅ ᐊᒻᒪ ᐊᐅᓚᑦᑎᓂᖅ ᐃᓚᐅᑎᑦᑎᓲᖑᕗᑦ ᐃᓄᐃᑦ ᑲᑐᔾᔨᖃᑎᒌᓂᒃ, ᓄᓇᓕᖕᓂ, ᓄᓇᓕᖕᓂ ᐊᒻᒪ ᐊᓯᖏᓐᓂᒃ ᓇᖕᒥᓂᖃᖃᑕᐅᔪᓂᒃ, ᖃᐅᔨᒪᖁᓪᓗᒋᑦ ᐃᓱᒪᓕᐅᕆᑦᑎᐊᖃᑦᑕᕐᓂᖏᓐᓂᒃ, ᑭᒃᑯᑐᐃᓐᓇᓂᒃ ᑐᑭᓯᐊᑦᑎᐊᕐᓂᖅᓴᐅᓗᑎᒃ, ᑭᒃᑯᓕᒫᓪᓗ ᐃᑲᔪᕈᓐᓇᕐᓗᑎᒃ ᖃᐅᔨᒪᔭᐅᔪᓂᒃ, ᐊᔪᙱᑕᖏᓐᓂᒃ ᐊᒻᒪ ᖃᓄᐃᓕᐅᖁᔨᔪᓂᒃ.
ᐱᓕᕆᖃᑎᒌᖕᓂᖅ/ᐃᑲᔪᖃᑎᒌᖕᓂᖅ: ᐱᓕᕆᖃᑎᒌᖕᓂᖅ ᑲᑐᔾᔨᓗᑎᒃ ᐱᔾᔪᑎᑦᑎᐊᕙᖕᒧᑦ.
ᑲᑐᔾᔨᖃᑎᒌᑦ ᐱᓕᕆᖃᑎᒌᒡᓗᑎᒃ ᐊᓂᒍᕈᑎᒃᓴᓂᒃ ᑐᕌᒐᕆᔭᐅᒐᔪᒃᑐᓄᑦ ᐃᖏᕐᕋᐃᓐᓇᕈᑎᓄᑦ, ᐃᓕᓐᓂᐊᖅᑐᓕᕆᓂᕐᒧᑦ, ᐳᓚᕋᖅᑐᓕᕆᓂᕐᒧᑦ ᐊᒻᒪ ᖃᓄᐃᙱᑦᑎᐊᕐᓂᕐᒧᑦ, ᓈᒻᒪᒃᑐᒥᒃ ᓇᓕᒧᒌᒃᑎᑦᑎᓗᑎᒃ ᐱᐅᖅᓱᐊᕐᓂᕐᒥᒃ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᑎᑭᑕᐅᓇᓱᒃᑐᓂᒃ. ᓯᕗᓕᖅᑎᐅᓂᖅ ᓴᖅᑭᖅᑎᑕᐅᓯᒪᔪᖅ ᐆᑦᑑᑎᒋᓗᒍ, ᑕᑯᑦᓴᐅᑎᑦᓯᓂᕐᒥᑦ ᐊᕙᑎᒥᑦ ᓂᐱᖃᑦᓯᐊᓂᕐᒥᑦ, ᑲᒪᒋᔭᖃᑦᓯᐊᕐᓂᕐᒥᑦ ᐱᓕᕆᔾᔪᓯᕐᓂᓪᓗ, ᐃᑲᔪᖅᑐᕐᓂᕐᒥᓪᓗ ᐱᓕᕆᖃᑎᖃᕐᓂᕐᒥᓪᓗ ᐊᓯᖏᓐᓂᑦ.
ᐱᔨᑦᑎᕐᓂᖅ: ᐱᔨᑦᑎᖃᑦᑕᕐᓂᖅ ᐊᑐᐃᓐᓇᕈᖅᑎᑦᑎᓂᕐᓗ ᐃᓚᒌᓄᑦ ᐊᒻᒪ/ᐅᕝᕙᓘᓐᓃᑦ ᓄᓇᓕᖕᓄᑦ
ᒥᕐᖑᐃᖅᓯᕖᑦ ᐊᒻᒪ ᓄᓇᐃᑦ ᓴᐳᔾᔭᐅᓯᒪᔪᑦ ᐃᑲᔪᓲᖑᕗᑦ ᓄᓇᕗᒻᒥ ᒪᑭᒪᔾᔪᑎᓄᑦ ᐳᓚᕋᖅᑐᓕᕆᓂᒃᑯᑦ ᐊᒻᒪ ᐊᒃᑐᐊᔪᓂᒃ ᐱᕙᓪᓕᐊᔪᓕᕆᓂᒃᑯᑦ, ᒥᒃᖠᒋᐊᕈᑕᐅᙱᖦᖢᓂ ᓴᐳᔾᔨᓂᕐᒥᒃ ᐃᓕᖅᑯᓯᑦᑎᓐᓂ ᐊᒻᒪ ᓄᓇᒥᙶᖅᑐᓂᒃ ᐱᐅᓯᑐᖃᑦᑎᓐᓂ.
ᑐᙵᓇᕐᓂᖅ: ᒪᑐᐃᖓᓂᖅ, ᐃᓚᐅᑎᑦᑎᓂᖅ, ᐃᓕᕋᓇᙱᓐᓂᖅ.
ᐃᓱᒪᓕᐅᕆᓂᖅ ᒪᑐᐃᙶᖅᐳᖅ, ᐱᓕᕆᐊᖑᓪᓗᓂ ᓱᓕᑦᑎᐊᕐᓗᓂ, ᑐᓴᖅᑎᑕᐅᓪᓗᓂᓗ ᑕᒻᒪᖅᑕᖅᓯᒪᙱᑦᑎᐊᕐᓗᓂ, ᓈᒻᒪᖅᑯᑦᑎᓗᓂ, ᐊᒃᑐᐊᓂᓖᓪᓗ ᑐᓴᖅᑕᐅᔪᒃᓴᐃᑦ ᐱᑎᑕᐅᓗᑎᒃ ᑕᒪᐃᓐᓄᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᑕᑎᒋᔭᐅᔪᑦ ᖃᐅᔨᒪᔭᐅᑎᓪᓗᒋᑦ ᐊᑐᓕᖅᑎᑕᐅᓂᖏᑦ ᒪᓕᒐᓕᐊᖑᔪᒪᔪᑦ, ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ ᐊᒻᒪ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᓄᓪᓗ ᐊᖏᖃᑎᒌᒍᑎᑦ ᐱᓕᕆᐊᒃᓴᖏᑦ, ᐊᓯᖏᓪᓗ ᐊᒃᑐᐊᓂᓖᑦ ᐸᕐᓇᐅᑎᑦ ᐊᒻᒪ ᐊᑐᐊᒐᑦ ᐊᒃᑐᐊᓂᓖᑦ ᑖᒃᑯᓄᖓ ᑐᙵᕕᖕᓄᑦ.
Inuit Associations and Organizations
Parks and Protected Areas Organizations
Canadian Parks Council
Canada’s national, provincial and territorial park agencies work together, through the Canadian Parks Council, to ensure that Canadians can continue to be proud of the role parks and protected areas play in preserving our country’s natural capital.
Canadian Heritage Rivers System
The Canadian Heritage Rivers System (CHRS) is Canada’s national river conservation program, giving national recognition to Canada’s outstanding rivers and encouraging their long-term management to conserve their natural, cultural and recreational values for the benefit and enjoyment of Canadians, now and in the future.
Trans Canada Trail
The Trans Canada Trail will promote and assist in the development and use of the cross country Trail – The Great Trail – by supporting success at the local level in the creation of this national network.
Tread Lightly!
Tread Lightly! and its partners lead a national initiative to protect and enhance recreation access and opportunities by promoting outdoor ethics to heighten individuals’ sense of good stewardship.