ᐃᓕᓐᓂᐊᕆᑦ
ᓄᓇᕗᒻᒥ ᒥᕐᖑᐃᖅᓯᕐᕖᑦ ᓄᓇᐃᓪᓗ ᓴᐳᔾᔭᐅᓯᒪᔪᑦ ᐃᓕᓐᓂᐊᕐᓗᒋᑦ ᐱᓕᕆᐊᒃᓴᑦ ᓴᖅᑭᑕᐅᓚᐅᖅᐳᑦ ᑲᓇᑕᒥᐅᑦ ᐊᓃᕐᓂᖅᓴᐅᖃᑦᑕᖁᓪᓗᒋᑦ.
ᐊᑭᖃᙱᑦᑐᓂᒃ ᐱᓇᓱᐊᕈᓯᑕᒫᑦ ᐃᓕᓐᓂᐊᖅᑎᑦᑎᕙᒃᐳᒍᑦ ᐊᒻᒪ ᐱᓕᕆᑎᑦᑎᕙᒃᖢᑕ ᐊᐅᔭᓕᒫᖅ ᐊᑭᑐᓗᐊᙱᖦᖢᓂ ᐃᓄᖕᓂᒃ ᑲᑎᙵᑎᑦᑎᓪᓗᑕ ᓄᓇᒦᖦᖢᑎᒃ, ᐃᓄᐃᑦ ᐃᓕᖅᑯᓯᖏᓐᓂᒃ ᐊᒻᒪ ᐱᐅᓯᑐᖃᖏᓐᓂᒃ ᐃᓕᓐᓂᐊᖅᑎᓪᓗᒋᑦ ᖃᐅᔨᒪᔭᕆᐊᖃᓪᓚᕆᒃᑐᓂᒃ ᐊᔪᕈᓐᓃᖅᓴᕐᓗᑎᒡᓗ.
ᐅᐱᒍᓱᓕᖅᐸᓪᓕᐊᓐᓇᕆᕗᖅ ᐊᒃᑐᐊᓂᖃᕐᓇᖅᖢᓂᓗ ᐃᓕᖅᑯᓯᑦᑎᓐᓂ ᐱᐅᓯᑐᖃᑦᑎᓐᓂᓗ ᓄᓇᒥ. ᐅᐸᒃᓯᒪᔪᑦ ᐃᓕᓐᓂᐊᖅᑎᑕᐅᖃᑦᑕᖅᐳᑦ ᐱᓕᕆᓪᓚᑦᑖᕋᔪᒃᖢᑎᒃ. ᐱᖅᑯᓯᑐᖃᓕᕆᔪᓐᓇᑦᑎᐊᖅᑐᓂᑦ ᐊᐅᓚᑕᐅᖃᑦᑕᖅᐳᑦ ᓄᓇᓕᖕᓂᑦ ᖃᐅᔨᒪᔨᑕᕐᓂᑦ, ᐃᓐᓇᕐᓂᑦ, ᐊᐅᔭᒃᑯᓪᓗ ᐃᓕᓐᓂᐊᖅᑎᓂᑦ.
ᐊᑐᖃᑦᑕᖅᑕᕗᑦ ᐃᓕᖅᑯᓯᑦᑎᓐᓂᙶᖅᑎᓐᓇᓱᖃᑦᑕᖅᐸᕗᑦ ᐊᒻᒪᓗ ᐊᑑᑎᖃᖅᑎᑦᑎᐊᕋᓱᒃᐸᒃᖢᑎᒍᑦ ᐃᓄᐃᑦ ᑲᑎᑦᑐᓐᓇᕐᓂᐊᕐᒪᑕ ᐊᒻᒪᓗ ᖁᕕᐊᒋᓗᒋᑦ ᐊᑐᖅᑕᖏᑦ. ᐃᓚᖏᑦ ᐃᓕᓐᓂᐊᖅᑕᐅᓂᐊᖅᑐᑦ ᑕᒪᑐᒪᓂ ᐊᕐᕌᒍᒥ ᐅᑯᐊᖑᓂᐊᖅᐳᑦ:
- ᑲᑭᕙᓕᐅᕆᐅᖅᓴᓂᖅ
- ᐃᓄᐃᑦ ᐱᙳᐊᕈᓯᖏᓐᓂᒃ ᐃᓕᓐᓂᐊᕐᓂᖅ,
- ᐱᔅᓯᓕᐅᕆᐅᖅᓴᓂᖅ,
- ᐃᑦᑕᕐᓂᓴᓕᕆᓂᕐᒥᒃ ᐃᓕᓐᓂᐊᕐᓂᖅ
- ᖁᓪᓕᕐᒥᑦ ᐃᑯᒻᒪᒋᐅᖅᓴᓂᖅ
- ᐊᓗᐸᔮᕐᓂᐅᑉ ᒥᒃᓵᓄᑦ ᐃᓕᓐᓂᐊᕐᓗᑎᒃ (ᐱᖅᑯᓯᑐᖃᕐᓂᑦ ᓇᑦᑎᕐᒥᓪᓗ ᓂᕆᕕᒡᔪᐊᖅᑎᑦᑎᓗᑎᒃ.)
ᐋᖅᑭᑦᑕᐅᓯᒪᔪᑦ ᖃᓄᐃᓕᐅᕈᑕᐅᓂᐊᖅᑐᑦ
ᖁᕕᐊᓲᑎᖃᕐᓂᖅ ᒥᕐᖑᐃᖅᓯᕐᕕᖕᒥ
ᑲᓇᑕᓕᒫᒥ, ᓄᓇᓕᖕᒥᐅᑦ ᑲᑎᑉᐸᒃᐳᑦ ᖁᕕᐊᓲᑎᖃᖅᖢᑎᒃ ᒐᕙᒪᑐᖃᒃᑯᑦ ᒥᕐᖑᐃᖅᓯᕐᕕᖏᓐᓂ, ᐊᕕᒃᑐᖅᓯᒪᔪᑦ ᒥᕐᖑᐃᖅᓯᕐᕕᖏᓐᓂ ᐅᑭᐅᖅᑕᖅᑐᒥᓗ ᒥᕐᖑᐃᖅᓯᕕᒋᔭᐅᔪᓂ ᐅᓪᓗᕆᔭᐅᑎᓪᓗᒍ. ᓄᓇᕗᒻᒥ ᒥᕐᖑᐃᕐᓯᕐᕖᑦ ᑲᒪᓇᖅᑑᖕᒪᑕ, ᑲᔾᔮᓇᖅᖢᑎᒃ ᐊᒻᒪᓗ ᑕᑯᔭᒃᓴᑦᑎᐊᕚᓪᓘᓪᓗᑎᒃ ᐊᕙᓗᖏᑦ.
ᓄᓇᕗᒻᒥ ᒥᕐᖑᐃᖅᓯᕐᕖᑦ ᐱᓐᓇᕆᔭᐅᔪᓪᓗ ᓄᓇᖃᕐᕖᑦ ᑐᙵᓱᒃᑎᑦᑎᔪᑦ ᐃᓕᓐᓂᑦ ᐃᓚᒋᔭᐅᖁᔨᑦᓱᑎᒃ ᓂᕿᓄᑦ, ᐱᙳᐊᕐᓂᕐᒧᑦ, ᖁᕕᐊᓇᖅᑐᓄᓪᓗ ᓵᓚᖃᐅᓯᐊᑦᓴᓄᑦ!
| ᓄᓇᓕᒃ | ᐅᓪᓗᖓ | ᖃᐅᔨᓴᐅᑦ | ᓇᓂ |
|---|---|---|---|
| ᐃᖃᓗᐃᑦ | ᔪᓚᐃ 13, 2024 | 11-ᒥ ᐅᓪᓛᒃᑯᑦ 3-ᒧᐊᖅᓴᓂᖓᓄ ᐅᓐᓄᒃᓴᒃᑯᑦ. | ᐃᖃᓗᐃᑦ ᑰᖓ |
| ᑲᖏᖅᑐᒑᐱᒃ | ᔪᓚᐃ 27, 2024 | 3−ᒥ 5−ᒧᑦ ᐅᓐᓄᓴᒃᑯᑦ | ᐊᓇᐅᓕᒑᕐᕕᒃ |
| ᑭᒻᒥᕈᑦ | ᔪᓚᐃ 20, 2024 | 1−ᒥ 3−ᒧᑦ ᐅᓐᓄᓴᒃᑯᑦ | ᑲᑕᓐᓂᓕᒃ ᒥᕐᖑᐃᖅᓯᕐᕕᒃ |
| ᖁᕐᓗᖅᑑᖅ | ᔪᓚᐃ 24, 2024 | 2−ᒥ 5−ᒧᑦ ᐅᓐᓄᓴᒃᑯᑦ | ᖁᕐᓗᖅᑐᕐᒥ ᐊᐅᓪᓛᖅᓯᒪᕝᕕᖕᒥ |
| ᑲᖏᖅᖠᓂᖅ | ᔪᓚᐃ 27, 2024 | 3−ᒥ 6−ᒧᑦ ᐅᓐᓄᓴᒃᑯᑦ | ᐃᖃᓗᒑᕐᔫᑉ ᓄᓇᖓ ᒥᕐᖑᐃᖅᓯᕕᒃ |